మా ఇంటి దోమలు
మా ఇంటి దోమలకెం త ఆదరణ !
అతిథులనాదరముగా పాడి పిల్చి,
పాదాలపై వాలి వినయముగ ముద్దాడు.
మా ఇంటి దోమలకెంత అణకువ !
పరపురుషుని గని
పరదావెనుకకు చేరు
అసూర్యంపశ్యములు.
మా ఇంటి దోమలకెంత ప్రేమ!
జోరునిదురపొమ్మని, జోలపాటపాడి,
పాదశుశౄషకై మా పాదములనొత్తు.
మా ఇంటి దోమలకెంత తెలివి!
శృంగారరసఝరిలో నీదులాడమని,
నిదురపోనీయక కొత్తదంపతులతో
గీరాడి, పోరాడి, గీట్లాడి, పోట్లాడి,
రాగమాలాపించి, రాతిరివేళ్ళల్లో
నిదురమత్తును వీడదీయు.
No comments:
Post a Comment