మా స్నేహితుడు శ్రీ కాకేరి శంకరశర్మగారు 36 సం. ల సుదీర్ఘమైన తన అధ్యాపక పదవి నుండి విరమణను పొండుచున్నందున తన శేష జీవితమును సుఖసౌఖ్యములతో ఆయురారోగ్యములతో ఆనందముగా గడాపలని కోరుతూ...
{అధ్యాపకపదవీవినివృత్త సందర్భే బ్ర.శ్రీ.కాకేరి శంకర శర్మణే ప్రశంసాపద్య పంచకం}
"ధన్యః శంకరశర్మపండితవరః కాకేరి వంశోద్భవః" .
శ్రీ లక్ష్మీనృహరిర్ హ్యభూత్ చ జనకో శ్రీ ధర్మపుర్యాం ముదా,
విద్యాపాటవకౌశలం చ కృతవాన్ యం శంకరం శంకరః,
తం లక్ష్మీనృహరిర్ హరశ్చ నితరాం పాతాం శుభాశీః ప్రదౌ
సౌఖ్యం శంకరశర్మణే వితరతాత్ కాకేరి వార్ధీందవే || 1 ||
ప్రాతర్యస్తు శివార్చనాదనుదినం సంతృప్తచిత్తః సదా,
ధ్వస్తాజ్ఞానపటా భవంతి యేన వినతాః శిష్యోపశిష్యాః దినే
సాయం యస్య సుహృద్గణః ప్రముదిత శ్చాతుర్యసంభాషణైః
ధన్యః శంకరశర్మపండితవరః కాకేరి వంశోద్భవః || 2 ||
నేత్రే యస్య నిమీలితే నుతముఖే భక్త్యా గిరీశార్చనే,
నేత్రే యస్య వికాసితే ప్రతిదినం భక్త్యా గురోర్దర్శనే |
నేత్రే యస్య చ వర్షితేఽమృతజలం శిష్యేషు వాత్సల్యకం
ధన్యః శంకరశర్మపండితవరః కాకేరి వంశోద్భవః || 3 ||
యస్యాస్తాం పితరౌ హి వాక్యవిభవైః బాల్యే సదానందితాః
యస్మిన్ జ్ఞానవితీర్ణకాశ్చ ముదితా హ్యాచార్యవర్యాః సదా,
ధ్వస్తాజ్ఞానపటా శ్చ శిష్యప్రముఖా అధ్యాపితా యేన హి |
ధన్యః శంకరశర్మపండితవరః కాకేరి వంశోద్భవః || 4 ||
సకలజనాభిరామ ! వరసద్గుణశీల! సుసాధుజీవన!
వికసితహృత్సరోజ! వరపండితమండిత! సత్యభూషణ! |
సహజదయార్ద్రచిత్త ! శుభవాఙ్మయభూషితజిహ్వ ! శంకర!
నుతబుధఛాత్ర! తే హివిజయార్థమహం గిరిజాపతిం భజే || 5 ||
బుగ్గారం ~ కోరిడే విశ్వనాథ శర్మా , సంస్కృతోపన్యాసకః ,
30.08.2012
---0O0--
No comments:
Post a Comment