|| ఓమ్ గం గణపతయే నమః ||
|| ఓమ్ శ్రీ వాగీశ్వర్యై నమః ||
|| ఓమ్ శ్రీ లక్ష్మీ సమేత యోగనారసింహస్వామినే నమః ||
శ్రీ పెద్దాపురం లక్ష్మీయోగనారసింహస్వామి సుప్రభాతమ్
కోరిడే విశ్వనాథ శర్మా,
సంస్కృతోపన్యాసకః ,
1. ఉత్తిష్ఠోత్తిష్ఠ లక్ష్మీశ ! ఉత్తిష్ఠ నరకేసరిన్! ,
ఉత్తిష్ఠ జగతాం నాథ ! ఉదయాద్రిం గతో రవిః .
2. శ్రీలక్ష్మి! మాధవి ! రమే ! జగదేకమాతః !
క్షీరాబ్ధిజే ! సురనుతే ! కమలే ! మనోజ్ఞే ! ,
నారాయణీందుసహజే ! పరిరక్ష లోకాన్
పెద్దాపురేశదయితే ! తవ సుప్రభాతమ్ .
3. హే వాసుదేవ ! పురుషోత్తమ ! నారసింహ !
లక్ష్మీశ ! జగృహి పరాత్పర ! పద్మనాభ ! ,
రక్ష్యా త్వయా హి జగతీ న సదాఽన్యకైస్తు
పెద్దాపురేశ ! నృహరే ! తవ సుప్రభాతమ్.
4. ప్రహ్లాదరక్షక ! జనార్దన ! దైత్యనాశ !
పెద్దాపురాద్రినిలయార్కసుధాంశునేత్ర ! ,
త్వద్వీక్షణార్థమిహచేక్షతి భక్తబృందం
పెద్దాపురేశ ! నృహరే ! తవ సుప్రభాతమ్.
5. పెద్దాపురస్యనికటే గిరిమాశ్రితః సన్,
భక్తాన్ సదా హి పరిపాలయసీశ ! నిత్యమ్ ,
త్వద్భక్తరక్షణకృతే నను తే హి నిష్ఠా,
పెద్దాపురేశ ! నృహరే ! తవ సుప్రభాతమ్.
6. భక్తాః ప్రదక్షిణవిధిం త్వవలంభ్య నిష్ఠాః
కుర్వన్తిచాత్ర శకటైస్తు ముహుర్ భ్రమన్తి
యత్త్వంహ్యభీష్ట ఫలమాశు దదాసి నూనమ్
పెద్దాపురేశ ! నృహరే ! తవ సుప్రభాతమ్.
7. బ్రహ్మాదయః సురవరా వరయోగిబృందాః
స్నాతానులిప్తకృతనిష్ఠవరిష్ఠభక్తాః ,
ధ్యానైకచిత్తవశగా స్తవ ద్రష్టుకామాః
పెద్దాపురేశ ! నృహరే ! తవ సుప్రభాతమ్.
8. శ్రీచాంద్రమానగణనే శుభచైత్రమాసే
ఏకాదశీ శుభదినే వరశుక్లపక్షే,
కల్యాణమీక్షితజనాస్తవ లబ్ధభాగాః
పెద్దాపురేశ ! నృహరే ! తవ సుప్రభాతమ్.
9. యో మాతృదాస్యమపహర్తుమయం ద్విజేంద్రః
జిత్వా మహేంద్రమపి దేవ! సుధాం నినాయ,
స త్వీక్షతేఽత్ర తవ వాహనవైనతేయః
పెద్దాపురేశ ! నృహరే ! తవ సుప్రభాతమ్.
10.వృక్షాగ్రభగనివసేషు విహంగమాశ్చ
తే చైవ దర్శనఫలం నను బోధయంతి |
తత్వం ప్రవక్తుమయి తే ప్రకృతిర్వరిష్ఠా
పెద్దాపురేశ ! నృహరే ! తవ సుప్రభాతమ్.
11. ముగ్ధేషు పద్మనికరేషు నిబద్ధభృంగాః
అద్యైవభానుకిరణైస్తు విముక్తకా యే,
గాయంతి తేఽత్ర హి సుతుల్యవిముక్తసంగాః
పెద్దాపురేశ ! నృహరే ! తవ సుప్రభాతమ్.
12. ఇంద్వర్కనేత్ర ! భవతః ఖలు సేవనేషు
ఇందుస్తు తే స్వసహజామకరోద్ధి పత్నీమ్,
భానుః కరైః స్వప్రథమైర్ యజతే పదౌ తే
పెద్దాపురేశ ! నృహరే ! తవ సుప్రభాతమ్.
***********************************************************************
అథ స్తోత్రమ్
1. హృతపాపచయాస్తవ మందిరగా
గతవిష్ణుపదాస్తవ భక్తవరాః,
జితతాపసికాస్తవ దాసవరా
విజయీ భవ దేవ! నృసింహ విభో!
2.తవ వైరిరహో ! నను దైత్యవరస్
తవ లబ్ధవరో నను దైత్యశిశుః,
తవ దాతృవరో నను దైత్యబలిర్
విజయీ భవ దేవ! నృసింహ విభో!
**********************************************************************౮
అథ ప్రపత్తిః
1.ప్రహ్లాదకస్య హి వచః పరిరక్షణార్థం
స్తంభోద్భవన్ ప్రకటితాద్భుతదర్శనోఽసి,
భక్తానురాగమయి తే విశదీకృతం హి
పెద్దాపురేశ ! చరణౌ శరణం ప్రపద్యే .
2. త్వం లోకసృష్టికరణే నను బ్రహ్మరూపః
తల్లోకపాలనకృతే నను విష్ణురూపః ,
తజ్జీర్ణలోకవిలయీకరణే చ రుద్రః
పెద్దాపురేశ ! చరణౌ శరణం ప్రపద్యే .
3. దాసౌ తవైవ నితరాం ఖలు భక్తిశూన్యౌ
భక్తావమానక్రియయా గతదైత్యరూపౌ,
ప్రహ్లాదకస్తు తవ లబ్ధవరోఽర్భదైత్యః
పెద్దాపురేశ ! చరణౌ శరణం ప్రపద్యే .
4.శూరోఽస్మ్యహంత్వితి సుగర్వితదుష్టదైత్యః
మృత్యుం త్వయా స్వనియతిం త్వనులంఘ్యయాతః ,
దుష్టాయ కల్పయసి భోః! స్వవచోఽనునాశం
పెద్దాపురేశ ! చరణౌ శరణం ప్రపద్యే .
5. బాలో ధృవో నను జితేంద్రియతాపసోఽసౌ
యస్తే ప్రసాదమలభజ్జగదున్నతం హి,
భక్తిస్త్వయీశ! ప్రముఖా న వయః ప్రమాణం
పెద్దాపురేశ ! చరణౌ శరణం ప్రపద్యే .
6. పెద్దాపురేశ ! చరణౌ శరణం ప్రపద్యే .
7 పెద్దాపురేశ ! చరణౌ శరణం ప్రపద్యే
********************************************************************
అథ శ్రీ మంగళాశాసనమ్
1. అకారాయ హ్యనంతాయ అష్టైశ్వర్యప్రదాయినే,
అదిమధ్యాంతహీనాయ నారసింహాయ మంగళమ్ .
2. ఇంద్రాదిభిః సుసేవ్యాయ ఇందిరానందదాయినే,
ఈప్సితార్థప్రదాయాస్మై నారసింహాయ మంగళమ్ .
3. ఉగ్రరూపాయ దైత్యేభ్య ఉడూనాంపతిచక్షుషే
ఊర్ధ్వస్రోతస్వరూపాయ నారసింహాయ మంగళమ్ .
4.ఋగ్వేదాదిభిస్తుత్యాయ ఋద్ధిబుద్ధిప్రదాయినే,
ఋషిభిర్ ధ్యానగమ్యాయ నారసింహాయ మంగళమ్.
5. ఏకరూపాయ నిత్యాయ ఏకస్మై విశ్వచక్షుషే,
ఏకాంతిజనరక్షాయ నారసింహాయ మంగళమ్ .
6. ఐహికాముష్మికం దాత్రే ఐశ్వర్యానందదాయినే,
ఐక్ష్వాకుకలజాతాయ నారసింహాయ మంగళమ్ .
7. ఓంకారనాదరూపాయ ఓజసే సూర్యకోటినాం,
ఓషధీశసునేత్రాయ నారసింహాయ మంగళమ్ .
8. ఔగ్ర్యదైత్యవినాశాయ ఔదుంబరప్రియాత్మనే
ఔషధాయామయానాం చ నారసింహాయ మంగళమ్ .
9. సిద్ధసాధ్యనుతాయాస్మై దేవకోటిస్తుతాయ చ
పెద్దాపురాద్రివాసాయనారసింహాయ మంగళమ్ .
10. బ్రహ్మాదిభిః సువంద్యాయ భక్తైశ్వర్యప్రదాయినే,
పెద్దాపురాద్రివాసాయనారసింహాయ మంగళమ్ .
*************************************************************************
ఫలశృతి
1. యద్ విశ్వనాథకృతవాఙ్మయసేవనం హి,
పెద్దాపురేశనృహరేః శుభసుప్రభాతమ్,
ప్రాతస్తు యే నిలయమేత్య పఠంతి భక్త్యా
తే నారసింహసదనుగ్రహపాత్రతార్హాః.
2. మయా హి కోరిడే కులీన విశ్వనాథశర్మణా
ముదా కృతం తు నారసింహ సుప్రభాతసేవనమ్,
నరేంద్రకంఠరాజితం సదా హ్యరిష్ట నాశకమ్.
భవేన్నృసింహమోదకం ప్రపాఠకాయ మోక్షదమ్.
**********************************************************************
హరిః ఓమ్. స్వస్తిప్రజాభ్యః పరిపాలయంతాం
న్యాయేన మార్గేణ మహీం మహీశాః ,
గోబ్రాహ్మణేభ్యః శుభమస్తు నిత్యం
లోకాః సమస్తాః సుఖినో భవంతు.
కాలే వర్షంతు పర్జన్యాః పృథివీ సస్యశాలినీ,
దేశోఽయం క్షోభరహితో బ్రాహ్మణాః సంతునిర్భయాః,
అపుత్రాః పుత్రిణః సంతు పుత్రిణః సంతు పౌత్రిణః ,
అధనాః సధనాః సంతు జీవంతు శరదాం శతమ్.
కాయేన వాచా మనసేంద్రియైర్వా
బుధ్యాత్మనా వాప్రకృతేః స్వభావాత్ ,
కరోమి యద్య్తత్ సకలం పరస్మై
నారాయణాయేతి సమర్పయామి.
హరిః ఓం తత్సత్ పరమేశ్వరార్పణమస్తు.
************************************************************************
౦౦౦౦0౦౦౦౦
No comments:
Post a Comment