Peddapuram Yoga Narasimha Swami Suprabhatham in Nagary scipt

                                       || ओम् गं गणपतये नमः ॥       

                                     ॥   ओम् श्री वागीश्वर्यै नमः ॥   

                             ॥  ओम् श्री लक्ष्मी समेत योगनारसिंहस्वामिने नमः ॥  

                                 श्री पॆद्दापुरं लक्ष्मीयोगनारसिंहस्वामि सुप्रभातम्

                                                                                     कोरिडे विश्वनाथ शर्मा,

                                                            संस्कृतोपन्यासकः ,

                                                    
           1. उत्तिष्ठोत्तिष्ठ लक्ष्मीश !  उत्तिष्ठ नरकेसरिन्! ,

               उत्तिष्ठ जगतां नाथ ! उदयाद्रिं गतो रविः ||

                           
            2. श्रीलक्ष्मि! माधवि ! रमे ! जगदेकमातः 
               क्षीराब्धिजे ! सुरनुते ! कमले ! मनोज्ञे ! ,

               नारायणींदुसहजे ! परिरक्ष लोकान्

              पॆद्दापुरेशदयिते ! तव सुप्रभातम् .

           3. हे वासुदेव ! पुरुषोत्तम ! नारसिंह !

               लक्ष्मीश ! जगृहि परात्पर ! पद्मनाभ ! ,

              रक्ष्या त्वया हि जगती न सदाऽन्यकैस्तु

              पॆद्दापुरेश ! नृहरे ! तव सुप्रभातम्.

         4. प्रह्लादरक्षक ! जनार्दन ! दैत्यनाश !

            पॆद्दापुराद्रिनिलयार्कसुधांशुनेत्र ! ,

            त्वद्वीक्षणार्थमिहचेक्षति भक्तबृंदं

           पॆद्दापुरेश ! नृहरे ! तव सुप्रभातम्.

            5. पॆद्दापुरस्यनिकटे गिरिमाश्रितः सन्,

          भक्तान् सदा हि परिपालयसीश ! नित्यम् ,

          त्वद्भक्तरक्षणकृते ननु ते हि निष्ठा,

          पॆद्दापुरेश ! नृहरे ! तव सुप्रभातम्.

      
       6. भक्ताः प्रदक्षिणविधिं त्ववलंभ्य निष्ठाः   

             कुर्वन्तिचात्र शकटैस्तु मुहुर् भ्रमन्ति       

         यत्त्वंह्यभीष्ट फलमाशु ददासि नूनम्

          पॆद्दापुरेश ! नृहरे ! तव सुप्रभातम्.

  
     7. ब्रह्मादयः सुरवरा वरयोगिबृंदाः

        स्नातानुलिप्तकृतनिष्ठवरिष्ठभक्ताः ,

             ध्यानैकचित्तवशगा स्तव द्रष्टुकामाः

        पॆद्दापुरेश ! नृहरे ! तव सुप्रभातम्.

     8. श्रीचांद्रमानगणने शुभचैत्रमासे

        एकादशी शुभदिने वरशुक्लपक्षे,

       कल्याणमीक्षितजनास्तव लब्धभागाः

           पॆद्दापुरेश ! नृहरे ! तव सुप्रभातम्.

       9. यो मातृदास्यमपहर्तुमयं द्विजेंद्रः

         जित्वा महेंद्रमपि देव! सुधां निनाय,

         स त्वीक्षतेऽत्र तव वाहनवैनतेयः   

            पॆद्दापुरेश ! नृहरे ! तव सुप्रभातम्.

       10.वृक्षाग्रभगनिवसेषु विहंगमाश्च

            ते चैव दर्शनफलं ननु बोधयंति ।

          तत्वं प्रवक्तुमयि ते प्रकृतिर्वरिष्ठा

         पॆद्दापुरेश ! नृहरे ! तव सुप्रभातम्.

    
       11. मुग्धेषु पद्मनिकरेषु निबद्धभृंगाः

          अद्यैवभानुकिरणैस्तु विमुक्तका ये,

          गायंति तेऽत्र हि सुतुल्यविमुक्तसंगाः

          पॆद्दापुरेश ! नृहरे ! तव सुप्रभातम्.

     
      12. इंद्वर्कनेत्र ! भवतः खलु सेवनेषु

         इंदुस्तु ते स्वसहजामकरोद्धि पत्नीम्,

         भानुः करैः स्वप्रथमैर् यजते पदौ ते

         पॆद्दापुरेश ! नृहरे ! तव सुप्रभातम्.

************************************************

                                    

                    अथ स्तोत्रम्

            1. हृतपापचयास्तव मंदिरगा

          गतविष्णुपदास्तव भक्तवराः,

          जिततापसिकास्तव दासवरा

         विजयी भव देव! नृसिंह विभो!

         2.तव वैरिरहो ! ननु दैत्यवरस्

          तव लब्धवरो ननु दैत्यशिशुः,

          तव दातृवरो ननु दैत्यबलिर्

          विजयी भव देव! नृसिंह विभो!

               3. ननु दैत्यवधे तव सिंहमुखं,
           नुतपालकृते नृतनुस्तव भोः ।
          अवनीमवनेह्यवतारितवान्
          विजयी भव देव

              4. मृगराजमुखांचितपुण्यतनो !
          खगराजविराजितयानविभो
          फणिराजविभूषितपीठहरे
         विजयी भव देव
! नृसिंह विभो!!!! नृसिंह विभो!,      

**************************************************

                अथ प्रपत्तिः

           1.प्रह्लादकस्य हि वचः परिरक्षणार्थं

         स्तंभोद्भवन् प्रकटिताद्भुतदर्शनोऽसि,

         भक्तानुरागमयि ते विशदीकृतं हि

         पॆद्दापुरेश ! चरणौ शरणं प्रपद्ये .

         2. त्वं लोकसृष्टिकरणे ननु ब्रह्मरूपः

            तल्लोकपालनकृते ननु  विष्णुरूपः                                                                

           तज्जीर्णलोकविलयीकरणे च रुद्रः

           पॆद्दापुरेश ! चरणौ शरणं प्रपद्ये .           

           3. दासौ तवैव नितरां खलु भक्तिशून्यौ

               भक्तावमानक्रियया गतदैत्यरूपौ,

              प्रह्लादकस्तु तव लब्धवरोऽर्भदैत्यः

                 पॆद्दापुरेश ! चरणौ शरणं प्रपद्ये .

            4.शूरोऽस्म्यहंत्विति सुगर्वितदुष्टदैत्यः

             मृत्युं त्वया स्वनियतिं त्वनुलंघ्ययातः | 
            दुष्टाय कल्पयसि भोः! स्ववचोऽनुनाशं

            पॆद्दापुरेश ! चरणौ शरणं प्रपद्ये .     

          5. बालो धृवो ननु जितेंद्रियतापसोऽसौ

            यस्ते प्रसादमलभज्जगदुन्नतं हि,

            भक्तिस्त्वयीश! प्रमुखा न वयः प्रमाणं

            पॆद्दापुरेश ! चरणौ शरणं प्रपद्ये .

                                                                   

****************************************************

          

            अथ श्री मंगळाशासनम्

      1. अकाराय ह्यनंताय अष्टैश्वर्यप्रदायिने,

     अदिमध्यांतहीनाय नारसिंहाय मंगळम् .

       
   2. इंद्रादिभिः सुसेव्याय इंदिरानंददायिने,

     ईप्सितार्थप्रदायास्मै नारसिंहाय मंगळम् .

   
   3. उग्ररूपाय दैत्येभ्य उडूनांपतिचक्षुषे

      ऊर्ध्वस्रोतस्वरूपाय नारसिंहाय मंगळम् .

    
   4.ऋग्वेदादिभिस्तुत्याय ऋद्धिबुद्धिप्रदायिने,                       

     ऋषिभिर् ध्यानगम्याय नारसिंहाय मंगळम्.

    
    5. एकरूपाय नित्याय एकस्मै विश्वचक्षुषे,

       एकांतिजनरक्षाय नारसिंहाय मंगळम् .

     6. ऐहिकामुष्मिकं दात्रे ऐश्वर्यानंददायिने,
       ऐक्ष्वाकुकलरामाय नारसिंहाय मंगळम् .

      7. ओंकारनादरूपाय ओजसे सूर्यकोटिनां,

        ओषधीशसुनेत्राय  नारसिंहाय मंगळम् .

     8. औग्र्यदैत्यविनाशाय औदुंबरप्रियात्मने   

       औषधायामयानां च नारसिंहाय मंगळम्     

     9. सिद्धसाध्यनुतायास्मै देवकोटिस्तुताय च

       पॆद्दापुराद्रिवासायनारसिंहाय मंगळम् .

    
      10. ब्रह्मादिभिः सुवंद्याय भक्तैश्वर्यप्रदायिने,

      पॆद्दापुराद्रिवासायनारसिंहाय मंगळम् .

*********************************************

                 फलशृति

        1. यद् विश्वनाथकृतवाङ्मयसेवनं हि,

        पॆद्दापुरेशनृहरेः शुभसुप्रभातम्,

        प्रातस्तु ये निलयमेत्य पठंति भक्त्या

         ते नारसिंहसदनुग्रहपात्रतार्हाः.

        
   2. मया हि कोरिडे कुलीन विश्वनाथशर्मणा

     मुदा कृतं तु नारसिंहसुप्रभातसेवनम्,                     

     नरेंद्रकंठराजितं सदा ह्यरिष्टनाशकम्.                       

     भवेन्नृसिंहमोदकं प्रपाठकाय मोक्षदम्.

*************************************************

          हरिः ओम्.    
     स्वस्तिप्रजाभ्यः परिपालयंतां 

    न्यायेन मार्गेण महीं महीशाः ,                     

    गोब्राह्मणेभ्यः शुभमस्तु नित्यं

    लोकाः समस्ताः सुखिनो भवंतु.

    
   काले वर्षंतु पर्जन्याः पृथिवी सस्यशालिनी,

   देशोऽयं क्षोभरहितो ब्राह्मणाः संतुनिर्भयाः,

   अपुत्राः पुत्रिणः संतु पुत्रिणः संतु पौत्रिणः ,

   अधनाः सधनाः संतु जीवंतु शरदां शतम्.

   कायेन वाचा मनसेंद्रियैर्वा

   बुध्यात्मना वा प्रकृतेः स्वभावात् ,

   करोमि यद्य्तत् सकलं परस्मै

   नारायणायेति समर्पयामि.

  
    हरिः ओं तत्सत् परमेश्वरार्पणमस्तु.   

**************************************

                                                 ००००0००००