Koride Sadashiva PrashaMsa

ధన్యో ధర్మపురీ సదాశివబుధః శ్రీకోరిడే వంశజః
* శ్లాఘ్యజీవనం:-
కోర్డేవంశసదాశివం హి సుశువే యం బాలకృష్ణో బుధః|
మాతా యం యదజీజనత్ సుగృహిణీరత్నం చ రత్నాంబికా
కన్యాం శోభగుణాన్వితాం పరమదాత్ శ్రీవిశ్వనాథో ముదా
హృష్ట్వా యస్య పితా పునర్భవవిధౌ కృష్ణోఽభవత్ బాలకః /యో బాలకృష్ణోఽభవత్ || 1 ||

* విద్యాభ్యసనం:-
వాణీ స్తన్యమదాద్యతోఽముమకరోత్ సంగీత సాహిత్యగమ్
యన్మాతామహరూపమేత్య హి శ్రుతీనధ్యాపయద్వాక్పతిః|
జ్ఞానం పాశుపతార్చనాత్ పశుపతిర్ దత్తే పరబ్రహ్మకమ్
శ్లాఘ్యో ధర్మపురీ సదాశివబుధః శ్రీకోరిడే వంశజః || 2 ||

*నిత్యవిధి:-
 దత్తైర్ యేన న గౌతమీ శుభజలైర్ నోదేతి చార్ఘ్యైర్ రవిః,
ప్రాతర్యస్య శివార్చనే స్వకిరణైర్ దీపం విధత్తే ఖగః|
యేనాధ్యాపితశిష్యకైర్గృహగతైర్ భానుర్గతః పశ్చిమం,
 జ్ఞానార్కస్య సదాశివస్య హి సఖా త్వేవం గతో భాస్కరః ||3 ||

*  ప్రవృత్తిః :-
 యస్త్వభ్యర్చ్య శివం హ్యవాప్తతనయః,తృప్తిం న గత్వా పునః
,నైకైః పాశుపతైర్హి యేన జగతాం లోకార్తినాశః కృతః|
దత్తైః పిండప్రదానకైస్తు పితరః తీర్థేషుతృప్తింగతాః
ధన్యో ధర్మపురీ సదాశివబుధః శ్రీకోరిడే వంశజః || 4 ||

*శివార్చనా:-
ఆచార్యస్తు ప్రవీణ ఏవ హి మహాన్యాసం సమారబ్ధవాన్,
శాస్త్రీ కార్తిక రామ సూర విబుధాః శ్రీ విశ్వనాథస్తథా|
యన్మౌళిః పురుషోత్తమశ్చ నటరాడిత్యాఖ్య విద్వాంసకాః,
సర్వే పాశుపతం సదాశివగృహే రుద్రం సమభ్యర్చయన్ || 5 ||

*ఉగ్రరథోత్సవః:-
 వంశీ చోగ్రరథవ్రతం యదకరోత్ విద్వద్దిలీపాన్వితః,
మిత్రైర్బంధుసహోదరీద్విజవరైర్ ధ్వానం కృతం మంగళమ్|
యత్షష్ట్యబ్దిమహోత్సవే త్రిదివసే హ్యాశీర్దదౌ బ్రాహ్మణాః ,
తచ్చోభాసహితం సదాశివమముం రక్షేత్తు రాజేశ్వరః || 6 ||

                                                ~ కోరిడే విశ్వనాథ శర్మా , సంస్కృతోపన్యాసకః ,
ధర్మపురీ                                                    జయలక్ష్మీ
శ్రీ ఖర . శ్రావ.బ. ౧౧                           ఫణి భూషణః,శశిభూషణః
25.08.2011
                         ---0O0--