Sri Dharma Puri Ramalimgeshwara mangalaa shasnam

అథ శ్రీ ధర్మపురీరామలింగేశ్వర మంగళాశాసనమ్ ఏకస్మై జగతాం భర్త్రే హ్యనేకాకృతిశోభనే | మంగళం ధర్మపూర్వాస ! రామలింగేశ్వరాయ తే || 1 || ద్విజిహ్వ గళభూషాయ ద్విజేంద్రాశ్రితమౌళయే | మంగళం ధర్మపూర్వాస ! రామలింగేశ్వరాయ తే || 2 || త్రినేత్రాంచితరూపాయ త్రిశూలాయుధధారిణే | మంగళం ధర్మపూర్వాస ! రామలింగేశ్వరాయ తే || 3 || చతురాస్యసుసేవ్యాయ చతుర్వేదస్వరూపిణే | మంగళం ధర్మపూర్వాస ! రామలింగేశ్వరాయ తే || 4 || పంచాస్యశోభినే తస్మై పంచబాణవిమర్దినే | మంగళం ధర్మపూర్వాస ! రామలింగేశ్వరాయ తే || 5 || షడ్దర్శనైః సువేద్యాయ షడానననుతాయ చ | మంగళం ధర్మపూర్వాస ! రామలింగేశ్వరాయ తే || 6 || సప్తర్షివర్యగీతాయ సప్తాశ్వరథచక్షుషే | మంగళం ధర్మపూర్వాస ! రామలింగేశ్వరాయ తే || 7 || అష్టమూర్తిస్వరూపాయ హ్యష్టైశ్వర్య ప్రదాయినే | మంగళం ధర్మపూర్వాస ! రామలింగేశ్వరాయ తే || 8 || నవగ్రహాణాం శాస్త్రే చ నవ ద్రవ్యాత్మకాయ చ | మంగళం ధర్మపూర్వాస ! రామలింగేశ్వరాయ తే || 9 || దశదిగ్వ్యాప్తదేహాయ దశాస్యేన నుతాయ చ | మంగళం ధర్మపూర్వాస ! రామలింగేశ్వరాయ తే || 10 || ఏకాదశాత్మరుద్రాయ హ్యేకాదశాఘనాశినే | మంగళం ధర్మపూర్వాస ! రామలింగేశ్వరాయ తే || 11 || దాక్షాయణీ ప్రియంకర్త్రే దక్షయజ్ఞవినాశినే | మంగళం ధర్మపూర్వాస ! రామలింగేశ్వరాయ తే || 12 || పార్వతీహృతదేహాయ పర్వతాగ్రనివాసినే | మంగళం ధర్మపూర్వాస ! రామలింగేశ్వరాయ తే || 13 || యతీంద్రప్రవారా యం హి నిత్యం ధ్యాయంతి తత్పరాః | మంగళం ధర్మపూర్వాస ! రామలింగేశ్వరాయ తే || 14 || మయాహి కోరిడే కులీన విశ్వనాథశర్మణా , ముదా కృతం తు రామలింగ సుప్రభాత సేవనమ్ | శివాయ చాస్తు మోదకం ప్రపాఠకాయ మోక్షదం భవేన్నుతాయ శంకరం సదా హ్యరిష్ట నాశకమ్ || 15 || శ్రీ ధర్మపురవాస్తవ్య కోర్డే వంశోద్భవేన హి | రాజన్నశాస్త్రి పుత్రేణ విశ్వనాథేన శర్మణా || కృతా హి వాఙ్మయీ పూజా శివానుగ్రహకాంక్షిణా | శివాయ ప్రీతిదా భూయాత్ పాఠకాయ శివంకరీ || 16 & 17 || || ఇతి సంస్కృతసాహిత్యరత్నపదలాంఛనస్య, బుధకోటినుతస్య, ప్రథితకవిపణ్డితగణాగ్రణీవరస్య, అఖిలశిష్యకోటిబృందార్చితపాదపద్మయుగళస్య, ఆచార్యకోరిడేరాజన్నశాస్త్రిణః ద్వితీయపుత్రేణ కోరిడే విశ్వనాథ శర్మణా విరచితా శ్రీధర్మపురీరామలింగేశ్వర వాఙ్మయీపూజా సమాప్తా||